ओजोन विनाश पत्ता लगाउने वैज्ञानिककोनै बिनाश

ओजन तह विनाश भैरहेको कुरा पहिलोपटक पत्ता लगाउने वैज्ञानिक शेरउडको निधन 

पृथ्वीको रक्षा कवच मानिएको ओजन तह विनाश भैरहेको कुरा पहिलोपटक पत्ता लगाउने वैज्ञानिक शेरउड रोल्याण्डको निधन भएको छ । नोबेल पुरस्कार विजेता अमेरिकी रसायनशास्त्री तथा प्राध्यापक शेरउडको ८४ वर्षको उमेरमा निधन भएको हो ।

रोल्याण्डले सन् १९७४ मा पहिलोपटक क्लोरोफ्लोरो कार्वनका कारण ओजन तह विनाश भैरहेको तथ्य पत्ता लगाए
का थिए । सुरुमा रसायन उद्योग तथा अरु वैज्ञानिकहरुले उनको भनाइलाई खण्डन गरेपनि पछि उक्त तथ्य प्रमाणित भएको थियो । यसैका लागि उनले २० वर्षपछि रसायनतर्फको नोबेल पुरस्कार पाएका थिए ।

शेरीको नामले चर्चित उनी क्यालिफोर्निया विश्वविद्यालयका प्राध्यापक थिए । विश्वविद्यालयमा शेरीका सहकर्मी समेत रहेका भौतिकशास्त्री केन्नेथ ज्यान्डाले शेरीको निधनबाट आफुले सबैभन्दा राम्रो साथी गुमाएको बताएका छन् । शेरउडले विश्वलाई ठूलो प्रलयबाट जोगाएको र उनी सत्यको सामु कहिल्यै नझुकेको उनको भनाइ छ ।

सूर्यबाट आउने परावैजनी किरणलाई रोकेर पृथ्वीमा रहेका जीव र वनस्पतीको रक्षा गरिरहेको ओजोन तहलाई विनाश गर्ने क्लोरोफ्लोरो कार्वन भन्ने रसायन रेपि|mजेरेटर लगायतका विभिन्न उपकरणहरुमा प्रयोग गरिन्छ ।

यस्ता रसायनको प्रयोग रोक्न सन् १९८५ मा क्यानडाको मन्टि्रयलमा एक सन्धीमा हस्ताक्षर समेत भैसकेको छ ।